ଅନୁଷ୍କା ଗର୍ଭବତୀ ହେବା ପରେ ପିତୃତ୍ବ ଅନୁଭବକୁ ନେଇ ଏପରି କହିଲେ ବିରାଟ

ମୁମ୍ବାଇ: ନିକଟରେ କ୍ରିକେଟ୍‌ ତାରକା ବିରାଟ କୋହଲି ଓ ଅଭିନେତ୍ରୀ ଅନୁଷ୍କା ଶର୍ମା ବାପାମାଆ ହେବାକୁ ଯାଉଛନ୍ତି ବୋଲି ଖବର ପ୍ରକାଶ ପାଇଥିଲା। ଏ ନେଇ ଏକ ସାକ୍ଷାତ୍‌କାରରେ ବିରାଟ କହିଛନ୍ତି କି ଏହି ଖବର ଜାଣିବା ପରେ ଯେତିକି ଆନନ୍ଦ ତାଙ୍କୁ ମିଳିଥିଲା ତାହାକୁ ବ୍ୟାଖ୍ୟା କରିବା ଅସମ୍ଭବ।

ବିରାଟ ସାକ୍ଷାତ୍‌କାରରେ କହିଛନ୍ତି ଯେତେବେଳେ ଅନୁଷ୍କା ଓ ସେ ଏହି ଖବର ସୋସିଆଲ୍‌ ମିଡିଆରେ ପ୍ରକାଶ କଲେ ‌ଲୋକମାନେ ତାଙ୍କୁ ଭଲପାଇବା ଓଜାଡ଼ି ଦେଲେ। ଏହା ଏକ ଅବିଶ୍ୱସନୀୟ ଅନୁଭବ। ସେ ସମୟର ଅନୁଭବକୁ ବର୍ଣ୍ଣନା କରିବା କଷ୍ଟକର। ଏହି ଅନୁଭବ ଆମକୁ ଖୁବ୍ ଅନନ୍ଦିତ କରିଥିଲା। ଆମେ ଏହି ଖବର ଘୋଷଣା କଲୋ ପରେ ପ୍ରଶଂସକମାନେ ଯେଉଁଭଳି ଭାବେ ସେମାନଙ୍କ ଭଲପାଇବା ଓଜାଡ଼ି ଦେଇଥିଲେ ତାହା ଅବିଶ୍ବନୀୟ ଥିଲା। ପ୍ରଶଂସକମାନେ ଆମକୁ ନେଇ ଏତେ ଖୁସି ଓ ଭାବପ୍ରବଣ ବୋଲି ଆମେ ପ୍ରଥମ ଥର ଜାଣିବାକୁ ପାଇଲୁ। ସେହି ସ୍ବତନ୍ତ୍ର ନୂଆ ସଦସ୍ୟକୁ ଆମ ପରିବାରରେ ଅପେକ୍ଷା ରହିଛି ବୋଲି ବିରାଟ କହିିଛନ୍ତି।