ଓଲିଉଡ ସୁପରଷ୍ଟାର, ଓଡିଶାର ଭାଇଜାନ ଅନୁଭବ ମହାନ୍ତି । ‘ଆଇ ଲଭ ୟୁ’ ଷ୍ଟାର ଅନୁଭବଙ୍କୁ ନେଇ ଏବେ ଚର୍ଚ୍ଚାର ଝଡ । ଚର୍ଚ୍ଚାର କାରଣ ତାଙ୍କର ବାନ୍ଧବୀ ଜାଗୃତି ଶୁକ୍ଲା । ସାଧାରଣ ଲୋକଠୁ ବୁଦ୍ଧିଜୀବୀ ସମସ୍ତେ କହିଲେଣି, ‘ହାତକୁ ଦି ହାତ ହେବେ ଅନୁଭବ ଜାଗୃତି’ ।
ବର୍ଷାଙ୍କ ସହ ଅନୁଭବଙ୍କ ଘମାଘୋଟ ଲଢେଇ ବା ବିବାଦ ପରେ ଏବେ ନୂଆ ଜୀବନ ଆରମ୍ଭ କରି ପାରନ୍ତି ସୁପରଷ୍ଟାର । ପ୍ରକାଶଥାଉ ଯେ, ଓଡିଶାର ସୁପରଷ୍ଟାର, ପୂର୍ବତନ ସାଂସଦ ଅନୁଭବ ମହାନ୍ତିଙ୍କ ବହୁପ୍ରତିକ୍ଷୀତ ବାୟୋଗ୍ରାଫିର ଉନ୍ମୋଚନ କରାଯାଇଛି।
ଭୁବନେଶ୍ୱରର ଏକ ତାରକା ହୋଟେଲଠାରେ ଆୟୋଜିତ ଏହି ଲଂଚ ଇଭେଂଟରେ ଚଳଚ୍ଚିତ୍ର, ସାହିତ୍ୟ ଜଗତ ଏବଂ ରାଜନୈତିକ ମହଲର ବହୁ ବିଶିଷ୍ଟ ବ୍ୟକ୍ତି ଯୋଗ ଦେଇଥିଲେ। ଟାଇମ୍ପାସ୍ ପବ୍ଲିକେସନ୍ ଦ୍ୱାରା ପ୍ରକାଶିତ ଏହି ବାୟୋଗ୍ରାଫିର ରଚନା କରିଛନ୍ତି ଜାଗୃତି ଶୁକ୍ଳା।
ଓଡିଶା ଚଳଚ୍ଚିତ୍ର ଶିଳ୍ପରେ ତାଙ୍କର ପ୍ରାଧାନ୍ୟତାଠାରୁ ଆରମ୍ଭ କରି ତାଙ୍କର ପ୍ରଭାବଶାଳୀ ରାଜନୈତିକ କ୍ୟାରିୟର ଏବଂ ଓଡ଼ିଶା ତଥା ରାଜ୍ୟବାସୀଙ୍କ ପାଇଁ ତାଙ୍କର ଦୃଢ ନିଷ୍ଠା ପର୍ଯ୍ୟନ୍ତ, ଏହି ବାୟୋଗ୍ରାଫି ଅନୁଭବ ମହାନ୍ତିଙ୍କ ପ୍ରେରଣାଦାୟୀ ଯାତ୍ରା ଉପରେ ଗଭୀର ଦୃଷ୍ଟିକୋଣ ପ୍ରଦାନ କରିଛି। ତେବେ ବହି ଉନ୍ମୋଚନ ପରେ ଜାଗୃତିଙ୍କୁ କିଛି ପ୍ରଶ୍ନ ପଚରାଯାଇଥିଲା।
ବହିରେ କଣ ସବୁ ଲେଖାହୋଇଛି?-ଅଣନିଶ୍ୱାସୀ ହୋଇ ଅନୁଭବ ବିଜେଡ଼ି ଛାଡିଥିଲେ । ନିର୍ବାଚନ ଜିତିବା କାରଣରୁ ଲାଗୁଥିଲା ଆରୋପ । ବର୍ଷାଙ୍କ ସହ ତାଙ୍କର ବୈବାହିକ ସମ୍ପର୍କ ଓ ବିଚ୍ଛେଦ କଥା ।
ଜାଗୃତିଙ୍କ ଉତ୍ତର ଏକ ନୂଆ ଚର୍ଚ୍ଚାକୁ ଖୋରାକ ଯୋଗାଇଛି। ବାସ୍ତବରେ ଜାଗୃତିଙ୍କୁ ପଚରାଯାଇଥିଲା ଯେ ଅନୁଭବଙ୍କ ଫ୍ୟାନ୍ସମାନେ ଜାଗୃତିଙ୍କୁ ଭାଉଜ ବୋଲି ସୋସିଆଲ ମିଡିଆରେ ଡାକୁଛନ୍ତି। ଏହି ଭାଉଜ ଡାକ ଶୁଣି ଜାଗୃତି ରାଗିଯାଉଛନ୍ତି ନା ଭାଉଜ ଡାକ ବାସ୍ତବ ରୂପ ନେବ।
ଏହି ପ୍ରଶ୍ନର ଉତ୍ତରରେ ଜାଗୃତି କହିଛନ୍ତି ଯେ ଆଗକୁ ଅନୁଭବଙ୍କ ଫ୍ୟାନ୍ସମାନେ ଖୁସି ଖବର ପାଇବେ ଓ ଅନୁଭବ ତାଙ୍କ ଫ୍ୟାନ୍ସ ମାନଙ୍କୁ ନିରାଶ କରିବେ ନାହିଁ। ଜାଗୃତିଙ୍କ ଏଭଳି ଉତ୍ତର ଉଭୟଙ୍କ ବିବାହ ଚର୍ଚ୍ଚାକୁ ଅଧିକ ଶକ୍ତି ଯୋଗାଇଛି।
ଯଦି କଥାଟା ସତ, ତେବେ ଦେଖିବାକୁ ରହିଲା ଓଲିଉଡ ସୁପରଷ୍ଟାର ଜାଗୃତିଙ୍କୁ କେବେ ବାହା ହେଉଛନ୍ତି । କେବେ ତାଙ୍କ ଜୀବନରେ ‘ଆଇ ଲଭ୍ ୟୁ’ ସିନେମା ଭଳି ଦ୍ୱିତୀୟ ଇନିଂସ ଆରମ୍ଭ ହେବାକୁ ଯାଉଛି । ଫ୍ଯାନ୍ସ ମଧ୍ୟ ଏମାନଙ୍କ ବିବାହକୁ ଚାତକ ଭଳି ଚାହିଁ ରହିଛନ୍ତି ।
Source : https://odia.news18.com/photogallery/bhubaneswar/anubhav-jagruti-no-more-hiding-now-its-open-jagruti-said-when-will-he-come-out-mrp-312278-page-8.html
